طريقة عمل الكفتة باللحم البلدى مع الطباخ العربى
هانجيب اللحمة المفرومة الكمية حسب الرغبة حوالى نصف كيلو ونضعها فى طبق عميق ولو اللحمة حمراء خالص نضيف اليها بشر دهن (انا بجيب من الجزار لية وبفرمها ناعم وافرزها ولما احتاج ابشر منها وهى مجمدة مباشرة حوالى معلقتين كبار او معلقة حسب الرغبة )بس بتفرق فى الطعم كتير ونضع عليها بصلة كبيرة مبشورة ومعلقة كبيرة بقسماط ناعم وملح وفلفل وبهار وعصير ليمونة وبس
نخلط كل المكونات كويس ونعجنها كويس علشان ماتفكش ويكون شكلها مرتب
انا هنا بصبعها على سيخ معدنى وبعدين بشيلها منة وارصها فى الصينية
هنا خلصنا الكمية ونرصها فى صينية وندهن الصينية بسيط زبدة او سمنة وممكن من غير خالص ونسويها على البوتجاز على نار هادئة هى هاتجيب مية وبعدين تتشربها تانى وبعد ما نطفى عليها نولع فحمة على النار ونضع قطعة صغيرة فويل وناخد من الدسم اللى فى الصينية ونضعة فى الفويل ولما الفحمة تصبح جمرة نضعها فى الفويل اللى فية الدسم ونغطى الصينية حوالى خمس دقائق الى ان تتشبع براحة الشواء
وتقدم بالهنا على بقدونس مفروم وتزين
ليست هناك تعليقات:
إرسال تعليق